Xarafka g

Xarafkeenna xiga waa xarafka g. Kan waxaa loo sameeyaa sidii aynu u samaynay xarafka a ama xarafka c. Dhab ahaantii waa xarafka a oo lagu daray xarafka j, ama waxaad dhihi kartaa waa xarafka c oo lagu daray xarafka j; isku mid bay noqonaysaa.

Markaa waxaynu u bilaabaynaa si la mid ah sidii aynu u bilownay markii aynu samaynay xarafka a. Waxaynu samaynaa kor si fudud, oo waynu qalloocinnaa sidii aynu u qalloocinay xarafkeenna c. Kadibna isla jiitintii ayaynu ku soo noqonnaa oo waxaynu samaynaa qaabka c, kadibna kor ayaynu u sii soconnaa, oo xarriiqdeenna waxaynu kor ugu qaadnaa xarriiqda sare, sidii innagoo samaynayna xarafka a. Kadibna hoos ayaynu ugu soo degnaa jiitinta. Haddii aynu ku joogsanno xarriiqda, waxaynu heli lahayn xarafka a. Laakiin si toosan ayaynu hoos ugu sii soconnaa, sida markab-quuse badda hoos ugu degaya. Kadibna si qurux badan ayaynu u qalloocinnaa, kadibna jiitin yar oo degdeg ah oo fudud ayaynu kor ugu samaynaa, innagoo xarriiqda ka gudbayna meesha uu xarafka a xagga hoose ku dhammaado. Taasina waxay ina siisaa xarafka g.

Xaashida Layliga 23