Xarafka f

Tusaalahan, waxaynu ku haynaa xarafka f ee farta kombiyuutarka. Maadaama loo sameeyay in buug lagu daabaco, xoogaa ayuu ka cidhiidhi yahay xagga sare iyo xagga hoose. Laakiin xarafka f sidii loo qori jiray, markii aanay mishiinnada daabacaaddu dhibayn, aad buu u dheeraa. Aad buu kor ugu bixi jiray, sida gantaal oo kale, aadna buu hoos ugu dhaadhici jiray, sida markab-quuse oo kale. Laakiin qaabku waa isku mid.

Haddaba waxaan kuu sharxayaa qaabka. Waxaynu u bilaabaynaa sidii oo aynu samaynayno h, ama k, ama b: isla qaabkaas oo kale. Markaa xarriiqdeenna kor ayaynu u qaadnaa, kadibna toos ayaynu hoos ugu soo degnaa, sidii oo aynu samaynayno h, waxaynuna sii wadnaa ilaa hoos, sidii oo aynu samaynayno xarriiqda hoose ee q. Haddaba haddii aad ka fikirto, waa sida l lagu daray qaybta hoose ee q, taasina waa f. Labadaas xaraf waynu haynaa, labadaas qaabna waynu samaynay, markaa halkan wax cusub ma jiraan. Markaa kor ayaynu u baxnaa, waynu qalloocinnaa, hoos ayaynu u soo degnaa, kadibna waxaynu samaynaa wareegga hore u socda oo waynu taabannaa, oo waynu ka sii baxnaa, sidii oo aynu samaynayno qaybta hoose ee q. Haddaba kani waa isku-darka qaybta sare ee k, ama qaybta sare ee h, ama qaybta sare ee b, iyo qaybta hoose ee q. Taasina waxay ina siisaa xarafka f.

Xarafkani wuu ka qurux badan yahay haddii uu xoogaa ka sarreeyo sida halkan ka muuqata, xoogaana ka dheer yahay sida halkan ka muuqata.

Xaashida Layliga 36