Mufundu a

Ne apa tudi ne mufundu udi ulonda, ke mufundu a. Mufundu a udi muenza ne mufundu c ne mufundu i udi pabuipi menemene ne mufundu c, too ne pa kulengangana.

Nunku tudi tutuadija anu bu mutuakatuadija bua mufundu c kumpala. Banda bitekete too ne kulu menemene, pashishe tudi tujengulula kumpala. Ne tudi tujengulula kumpala bu mutuakajengulula bua mufundu c. Bidi ne mushinga bua wewe kuenza nunku: kuena musue bua mufundu a webe uikale mutekete bikole to. Pashishe tudi tupingana pa mulongo umue awu, ne tudi tupueka too ne ku mulongo wa kuinshi, tudi tukoka kakoka kakese ka lukasa kumpala, pashishe tudi tubanda lukasa, ne kuinama kumue ne kua mifundu mikuabo yonso. Ne tudi tubanda patudi tulenga kuinshi, too ne ku mulongo wa kulu. Pashishe tudi tupueka pa mulongo umue awu kakuyi kubandisha tshifundilu tshietu. Pashishe, kumpala kua kufika kuinshi, tudi tukoka kakoka kakese ka lukasa, ne edi ke dikoka dietu dia kulamakaja ne mufundu udi ulonda. Ne eu ke mufundu a.

Dibeji dia kudienzeja 21