Mufundu g

Mufundu wetu udi ulonda ke mufundu g. Tudi tuwufunda anu bu mutuakafunda mufundu a anyi mufundu c. Bulelela udi mufundu a musangisha ne mufundu j, anyi udi mua kuamba ne udi mufundu c musangisha ne mufundu j; bidi bualu bumue.

Nunku tudi tutuadija anu bu mutuakatuadija patuakafunda mufundu a. Tudi tubanda bitekete, ne tudi tujengulula anu bu mutuakajengulula bua mufundu c wetu. Pashishe tudi tupingana pa dikoka dimue adi ne tudi tuenza mushindu wa mufundu c, pashishe tudi tutungunuka ne kubanda, ne tudi tubandisha mulongo wetu too ne ku mulongo wa kulu, anu bu tuvua tufunda mufundu a. Pashishe tudi tupueka bua dikoka. Bu tuvua tuimana ku mulongo, tuvua mua kupeta mufundu a. Kadi tudi tutungunuka ne kupueka mululame kuinshi, bu buatu budi buenda kuinshi kua mayi budi bupueka mu mbuu. Pashishe tudi tujengulula bimpe, pashishe tudi tukoka kakoka kakese ka lukasa kulu, bitekete, tupita pa mulongo anu kuinshi kua mufundu a. Ne nunku ke mutudi tupeta mufundu wetu g.

Dibeji dia kudienzeja 23