Mufundu d

Mufundu udi ulonda udi mu diku dimue ne mifundu a, c, e, g ne q. Ke mufundu d, ne tudi tuwufunda mu mushindu umue ne mutuvua mua kufunda mufundu a. Tudi tuangata dikoka dietu dia kubanda dia bitekete ne tudi tudijengulula bimpe, anu bu tuvua tufunda mufundu c, pashishe tudi tupingana, mujenguluke bimpe, too ne kuinshi, pashishe tudi tujengulula tubanda kulu. Pashishe tudi tubanda mululame, kulu bikole, tulenga mutu wa mufundu c. Tudi tubanda, tubanda, tubanda, kulu kupita bu muudi uelela meji, pashishe tudi tupueka pa mulongo umue awu. Ke tshitupa tshia lutatu atshi. Ne patudi tufika kuinshi menemene, anu kuinshi kua tshivua mua kuikala mufundu a, tudi tukoka kakoka kakese ka lukasa kumpala bua dikoka dia kulamakaja. Ne eu ke mufundu wetu d.

Bualu bunene bua mufundu eu ke ebu: udi ne bua kuenza tshitupa tshiawu tshia mufundu c tshijenguluke bimpe. Tshidi ne bua kuya kumpala bikumbane, bua mayi a mufundu c apone bu mayi a mu mbuu, ne paudi ujengulula ne ubanda bua dikoka dia mufundu d didi diimane tente, mufundu webe d kauena ne bua kuikala mutekete bikole bu udi ufua nzala to. Udi ne bua kuikala mujenguluke ne munene, bu udi mudie biakudia bimpe ne mukute. Pashishe tudi tubanda mululame, ne tshitupa tshia lutatu, too ne paudi umanyina, ke kupueka pa mulongo umue awu. Kadi tudi tubanda bitekete, pashishe tudi tupueka bikole. Banda bitekete, pueka bikole. Banda bitekete, pueka bikole. Banda bitekete, pueka bikole.

Dibeji dia kudienzeja 25