Mufundu h

Apa tudi ne mufundu h. Mufundu h udi disangisha dia makoka abidi: udi disangisha dia mufundu l ne mufundu n. Nunku tudi tutuadija mushindu umue ne mutuakatuadija patuakenza mufundu l, ne ntatu yonso imue, bushuwa, ivua ilua ne mufundu l au.

Nunku tudi tubanda mululame, pashishe, kumpala kua kufika ku muaba utudi tusungula bua kuimana, tudi tutuadija kujengulula ku nyima, pashishe tudi tupueka mululame. Tangila bu mudi dikoka edi dia kupueka dilulame. Kadiena dijenguluke to, didi dilulame. Ne didi dipueka ne dilenga mulongo. Pashishe, kakuyi kubandisha tshifundilu tshietu, tudi tubanda kabidi pa dikoka dimue too ne ku muaba udi makoka asangana. Pashishe tudi tuya kumpala, ne tupueka bikole kabidi bua kuenza mufundu i. Pashishe tudi tuenza kakoka kakese ka lukasa kuinshi.

Nunku udi mufundu l, pashishe, ndi ngela meji ne udi mua kuamba ne udi ne tshitupa tshikese bikole tshia mufundu c, pashishe udi ne mufundu i. Ne bionso ebi bidi bitupesha mufundu h.

Dibeji dia kudienzeja 28