Nkoma u

Nkoma oyo tokosala sikoyo ezali nkoma u. Ebandaka ndenge moko mpenza lokola nde tolingi kosala nkoma i. Boye: mata pete, kita makasi. Mpe na nsima, ntango tokomi pene, pene mpenza na molongo ya nse, tosalaka monkoli ya kogumbama, mpe tosalaka monkoli moke ya mbangu oyo emati noki mpenza, mpe tomataka semba. Na nsima tokitaka lisusu na molongo kaka wana, na botengami ndenge moko, pene kino na nse mpenza, mpe na nsima tosalaka monkoli moke ya mbangu mpe tokei. Mpe yango epesi biso nkoma u.

Sikoyo, soki otii matono likolo ya minkoli wana mibale, okozala na nkoma i mibale. Yango wana totiaka litono likolo ya nkoma i, mpo esalisaka biso koyeba kokesenisa nkoma u mpe nkoma i. Mpe nkoma u ekokani mingi na nkoma y. Nkoma y ezali kaka nkoma u oyo ezali na mokila.

Boye: mata pete, kita makasi, na nsima tomataka pete, mpe na nsima tokitaka makasi na monkoli kaka wana. Minkoli wana mibale esengeli kozala na botengami ndenge moko mpe na bolai ndenge moko. Sala milongo mwa moke ya nkoma u.

Lokasa ya komesana 14