Ishangekwagh l

Ishangekwagh wase i i dondo yô ka ishangekwagh l, man ma ôr kwagh sha ishangekwagh ne shighe kpishi, gadia ishangekwagh ne taver u ngeren kpishi.

Nahan se hii a ikpelan wase i zaan sha, er se ngu eren ishangekwagh i nahan, kpa se hemba zan sha gbem kpishi kpishi a ishangekwagh i, se za jighilaa, sha ngurumun môm la. Heen ka ijiir i i taver ye. Nahan se za sha, se hide se za sha shi. Tsô zum u se kohol er ityough i ishangekwagh l i kende sha yô, se hide a hwange wase ijime, kpa se za ica kpishi ga, sha u eren ihura. Man ihura ne i lu kiriki. Tsô se va shin jighilaa kuma: i lu jighilaa vough ga, kpa i gem kpishi kpaa ga. Kwagh ne taver, gadia u fatyô u eren un jighilaa vough ga; u eren nahan taver kpishi. Kpa i gem kpeghee tsô. Tsô ikpelan i zaan shin la i zough a ikpelan i zaan sha la sha ijiir i i lu shin kuma. I zough a mi vough hen ijiir i ityough i ishangekwagh i i lu yô. Man kwagh u masetyô la ngu er kwagh u shin u ishangekwagh i nahan, se va shin, tsô se kpela ikpelan i kiriki i fese. Nahan ka er ishangekwagh i i kpilighyol, i i lu ica sha gbem kpishi, i i lu a ihura sha ityough na nahan.

Man i gba u ihura la i hemba vesen ga. Aluer i hemba vesen yô, ka i lu er kwagh u dariyol nahan. Aluer i lu kiriki kpishi yô, kwagh ngu ga. Man aluer ihura i sha ityough la i lu ken atô, i lu vesen ga, i lu kiriki kpaa ga yô, kwagh ngu ga kpaa. Kpa de er i hingir vesen kpishi ga.

Takerada u karen ngeren 26