Ishangekwagh o

Heen se lu a ishangekwagh o; ishangekwagh ne taver u ngeren kpishi. U fatyô u eren un kpighikiki vough, er i tese un heen nahan, shin u fatyô u eren un er kpighikiki u a ngee kpeghee nahan, inja i i lu kiriki kpeghee. Aluer ngeren wou ngu a ngurumun u zan hemen yô, ishangekwagh o you kpaa ia lu kiriki kpeghee, sha iyol na tseegh.

Nahan kwagh u se eren yô ka ne: se hii shin, se kende sha er se lu eren ishangekwagh i nahan, shi se gema kpeghee, er se lu eren ishangekwagh i i gem kpeghee nahan, inja i ishangekwagh i i u gba u eren ga la. Tsô se hide sha hwange la je, nahan a lu er ishangekwagh c i i gem kpeghee tseegh nahan, se va shin, se gema se kende sha, se kôr un imôngo a ityough na, tsô se er ikpelan i kiriki i fese se yem. Man ka ishangekwagh o je la. Ishangekwagh o ngu a ikpelan na i kiriki i fese i masetyô hanma shighe, zum u a lu sha masetyô u ishemberkwagh je kpaa; shighe môm kpaa a de ikpelan ne ga.

Aluer ishangekwagh ngu hemen u ishangekwagh o, i hwange na u kôron a lu sha kpeghee yô, er ishangekwagh b nahan, se za a hwange la hemen, se va zua a ityough i ishangekwagh o, tsô se hii u gemen sha ijime hen ijiir la. Se gema kpighikiki cii, tsô se er ikpelan i kiriki i fese se yem za hemen.

Takerada u karen ngeren 37