Disono u

Disono tusonika diaka i disono u. Ye disono diadi diyantikanga kaka bonso tusonika disono i. Diau: mata malembe, kuluka ngolo. Bosi, bu tufikamene kibeni, kibeni ndonga ya nsi, tuzungisa nsinga, tuvanga nsinga fioti ya nswalu ku zulu ye nswalu kibeni, ye tumata mu nzila ya kusungama. Bosi tukuluka diaka mu nsinga yina mosi, ye kutengama kumosi, nate kufi ye nsi kibeni, bosi tuvanga nsinga fioti ya nswalu. Ye bobo tubakidi disono u dieto.

Kana watula matona va zinsinga zina zole, si umona masono i mole. Diau tutulanga ditona va masono i meto, kadi ditona disadisanga beto mu kuswaswanisa masono u meto ye masono i meto. Ye disono u difwanana kibeni ye disono y. Disono y i disono u kaka dina ye nkila.

Diau: mata malembe, kuluka ngolo, bosi tumata malembe, bosi tukuluka ngolo mu nsinga yina mosi. Zinsinga zazi zole zifweti kala ye kutengama kumosi ye ntela yimosi. Sonika zindonga zimosi za masono mama.

Nkanda wa kukilonga 14