Disono m

Disono dilanda i disono m. I bonso vo tusonika disono i. Tumata ye nsinga yisungama, malembe, ye bosi tukuluka ye kutengama kumosi bonso masono meto mawonso. Ye bosi tumata diaka mu nsinga yina yimosi, tukwenda ku ntwala, ye tukuluka diaka. Tumata mu nsinga yina yimosi, tukwenda ku ntwala ye nsinga yizunga fioti, ye tukuluka diaka, ye bosi tumana ye nsinga fioti ya nswalu.

Buabu, diambu dibwanga mu disono m, ye dibwilanga minlongoki mingi bamekanga longoka disono diadi, i diadi: basalanga nkongolo ya zole yikufi kuluta nkongolo ya ntete, ye buna diena disono m dinene dikitukanga fioti. Ka uzolele kala ye disono m dinene dikitukanga fioti ko. Ufweti tala mbote vo nkongolo yaku ya zole yinda bonso nkongolo yaku ya ntete. Mu kuma kimosi ka tuzeyi ko, ntu wa muntu uzolanga sala nkongolo ya zole yikala yifioti; buna ufweti kala ye meso mazibuka bu usonika dio, ye tala mbote vo zinkongolo zole zina ye ntela mosi.

Mambu mawonso mena mau, kieleka. I bonso disono n disonikwa mbala zole, ye disono n twasonikanga dio kala. Ye twamanisi sonika disono p, dina ye mpila yina yimosi. Buna ka diena mpasi ko. Mata malembe, kuluka ngolo, mata malembe, kuluka ngolo, mata malembe, kuluka ngolo, mana ye nsinga fioti ya nswalu. Buna diadi i disono m.

Nkanda wa kukilonga 33