Disono f

Mu mbandu yayi, tuna ye disono f dia mpila ya masono. Kadi diavangwa mu kusonikwa kwa masini mu nkanda, difinywa fioti ku zulu ye ku nsi. Kansi disono f bonso diasonikwanga ye koko, bu ka diakala mu mpasi za masini ma kusonika minkanda ko, diakala dinda kikilu. Diatombukanga ku zulu kibeni, bonso fize (kima kitombukanga ku zulu nswalu), ye diakulukanga ku nsi kibeni, bonso maswa makwendanga ku nsi a maza. Kansi mpila yandi i mosi.

Buna si ngutubila mpila yandi. Tuyantika bonso tuvanga disono h, voti disono k, voti disono b: mpila mosi kaka. Buna tumatisa nsinga yeto ku zulu, ye buna tukuluka ya kusungama, bonso tuvanga disono h, ye tulandila kuluka nate ku nsi kibeni, bonso tuvanga nsinga ya nsi ya disono q. Buna kana ubanza bubu, dina bonso disono l dibundana ye kitini kia nsi kia disono q, ye diau disono f. Tulongokele masono mole mama, ye tuvangidi mpila zole zina, buna ka kuna kima kia mpa ko vava. Buna tumata, tuzungisa nsinga, tukuluka, ye buna tuvanga kizunga kifioti kia nsinga ku ntwala, tusimba nsinga, ye tuvaika, bonso tuvanga kitini kia nsi kia disono q. Buna diadi i kubundisa ndambu ya zulu ya disono k, voti ndambu ya zulu ya disono h, voti ndambu ya zulu ya disono b, ye kitini kia nsi kia disono q. Ye diau dituvananga disono f.

Disono diadi dimonikanga kitoko kuluta kana dina dinda fioti ku zulu, kuluta bonso dimonikini vava, ye dinda fioti ku nsi, kuluta bonso dimonikini vava.

Nkanda wa kukilonga 36