Eleetera l

Eleetera enittharela ti l, nave kinrowa ovira okathi wuulupale kilavulaka sa eleetera ela, okhala wiira ti eleetera yoovila vanceene olepa.

Nto ninnipacerya ni eliinya yahu enirowa osulu, ntoko nilepaka eleetera i, masi ninnirowa osulu vanceene, vanceene ovikana eleetera i, nlelo ni eliinya yookololowa, ni oramma omosaru. Ola ti mpantta woovila. Nto ninrowa osulu, nave ninrowa osulu tho. Nuumala, vaavo ninphiya ahu osulu wa eleetera l, ninnitthikiha eliinya yahu ottuli, masi khahiyo ottaiwene, wiira nipake eliinya enitthikela. Nave eliinya ela enitthikela ehirakamale. Nuumala ninkhuruwa ntoko wookololowa: khahiyo wookololowa tthiri, masi ehikhanle ni ekottoopa yuulupale. Ti etthu yoovila opaka, okhala wiira khunwerya opaka yookololowa tthiri; ti yoovila vanceene opaka eyo. Masi ti ekottoopa yaamukhaani paahi. Nuumala ninnivira eliinya enirowa osulu vathi vakhaani. Ennivira ntoko nipuro naarowa okhala osulu wa eleetera i. Nave mpantta wookiserya onilikana ni mpantta wa vathi wa eleetera i: ninkhuruwa, nuumala ninnilepa eliinya yaamukhaanixa yoolepiwa mowaakuveya. Nto eri ntoko eleetera i yootikhiniha, enirowa osulu vanceene, erina eliinya enitthikela osulu waya.

Nave eliinya enitthikela khenaphwanela okhala yuulupale vanceene. Yaakhala yuulupale vanceene, ennooneya yoohiloka. Yaakhala ehirakamale vanceene, ti saana. Nave yaakhala erakamale vakhaani paahi, ti saana tho. Masi ohipake eliinya enitthikela yuulupale vanceene.

Epaphelo ya wiilimaleliha 26