Eleetera v

Nto vano ninrowa wiixutta eleetera v. Eleetera v ennipacerya moota omosaru tthiri ntoko eleetera i. Nthoonyeryo nirina ahu va ninkhuma mu ileetera soolepiwa ni emakina.

Eleetera v khula okathi erina eliinya yaamukhaanixa omakuchuwelo. Khenimala ni ekwaha ya ekaneta paahi; khula okathi erina eliinya yaamukhaanixa omakuchuwelo. Mu olepa woophitaanya ileetera, eleetera v erina eliinya yaamukhaanixa enirowa ohoolo, hata omakuchuwelo wa nuulumo.

Nto ninrowa osulu ni eliinya yahu enirowa osulu, nuumala ninkhuruwa wookololowa. Waaweha nthoonyeryo na va, ninkhuma mu enamuna ya ileetera soohiphitaanyeya, onrowa okileela etthu yootthekeya. Onnoona wiira, voopacerya, eliinya enirowa osulu khahiyo yookololowa: ennooneya vakhaani ntoko eleetera S, moota wootikhiniha. Nave khenipaka oponta osulu, vaavo eniphitaanya aya ni mpantta woothiyana wa eleetera v, ntoko enaphwanela aya opaka. Nto ninrowa osulu wookololowa, nuumala ninkhuruwa ni oramma omosaru ntoko ileetera sahu sikina sootheene. Nuumala ninnikottoopiha, ninnitthikela osulu, nave valiinyani ninnilepa eliinya yaamukhaanixa enirowa ohoolo. Nto eleetera v khula okathi erina eliinya yaamukhaanixa enirowa ohoolo.

Epaphelo ya wiilimaleliha 29