Amabala Okuzilolonga

Khathesi sizazilolonga. Sizapela amabala athile. Elokuqala ngu-suit (ibala lesiNgisi), elibhalwa ngezinhlamvu s, u, i, t. Emugqeni olandelayo sizabhala izinhlamvu j, u, i, t: juit. Emugqeni olandelayo sizabhala izinhlamvu s, u, y, j. Njalo emugqeni olandelayo sizabhala izinhlamvu i, t, u, s. Emva kwalokho gcwalisa ikhasi lonke eliseleyo ngezinhlanganiso zakho zezinhlamvu.

Njengakuqala, hlola ukuthi konke kutshekela ngakuhlangothi olufanayo. Khupha irula, udwebe imigqa edabula izinhlamvu, uhlole ukuthi ama-engeli akho alungile. Phezulu kancane, phansi ngamandla, phezulu kancane, phansi ngamandla, phezulu kancane, phansi ngamandla. Hlola ukuthi izikhala eziphakathi kwemidwebo yakho zicishe zilingane. Njalo hlola ukuthi izinhlamvu zakho kazehleli ngaphansi komugqa, kazeqi phezu komugqa, lokuthi kazibi zifitshane.

Iphepha Lokuzilolonga 19

Ukuhlola Ukutsheka

Nxa ungakhangela Iphepha Lokuzilolonga 19, uthathe irula udwebe umugqa odabula imidwebo emileyo mpo yohlamvu s lohlamvu t lohlamvu u lohlamvu i, uzabona ukuthi uhlamvu s lule-engeli ehlukile kwezinye. Lokho kungenxa yokuthi uhlamvu s lolu ngaludweba ngokwami, ngokwehlukana lezinye, kanti i-alfabhethi egadindiweyo, leyo evela kukhompyutha, imi mpo kakhulu. Ngakho yikho kanye okumele ukunanzelele, njalo luhlobo lwento engikhuluma ngayo.

Okungcono kakhulu yikuthi ifonti bekumele itshekele phambili kakhulu kulalokhu etshekela ngakho. Njengoba ubona kohlamvu s, lutshekela phambili kuhle, kanti eyomshini wokugadinda imi mpo kakhulu. Kodwa lokhu kuya ngokuthi wena ukhetha ukukwenza njani. Lesi yisibonelo esihle salokho okumele ukunanzelele embhalweni wakho, ngakho sikhona lapha ukuze sikufundise.

Uhlamvu s olwalusezinhlamvini ezigadindiweyo ezazivele zikhona lwalungasizi lutho, ngakho ngazenzela olwami, yikho lwehluke kancane nge-engeli yalo. Kodwa leyo yindlela enhle yokukufundisa ukuthi ukhangele ini.