Uhlamvu d

Uhlamvu olulandelayo luyisihlobo sezinhlamvu ezithi a, c, e, g, q. Nguhlamvu d, njalo silubumba ngendlela efanayo lalapho besizabumba ngayo uhlamvu a. Sithatha umdwebo wethu okhuphukayo kancane siwugobise kuhle, kungathi senza uhlamvu c, emva kwalokho siyabuya, kube yindilinga enhle, size sifike phansi, njalo sigobise siye phezulu. Emva kwalokho sikhuphuka siqondile, siye phezulu kakhulu, sithinte isiphetho sohlamvu c. Siya phezulu, phezulu, phezulu, phezulu kakhulu kulalokho obungakucabanga, emva kwalokho sehle phezu komugqa wona lowo. Leyo yingxenye enzima. Njalo nxa sesifika phansi khona impela, khona nje phansi kwalokho obekungaba nguhlamvu a, senza umdwebo omncane ophangisayo siye phambili, kube yisihlanganisi. Yilolo-ke uhlamvu lwethu d.

Into eqakatheke kakhulu ngohlamvu lolu yikuthi kumele wenze ingxenye yalo eyenza uhlamvu c ibe yindilinga enhle. Kumele iye phambili ngokwaneleyo, ukuze igagasi lohlamvu c lidilike, njalo nxa ujikeleza ukhuphukela umdwebo omileyo mpo wohlamvu d, uhlamvu lwakho d lungazaci kakhulu, lungakhangeleki lulambile. Kumele lube yindilinga, lugcwale, kungathi ludle ukudla okumnandi lwasutha. Emva kwalokho sikhuphuka siqondile, njalo ingxenye enzima, uze ukujayele, yikwehla phezu komugqa wona lowo. Kodwa sikhuphuka kancane, njalo sehle ngamandla. Phezulu kancane, phansi ngamandla. Phezulu kancane, phansi ngamandla. Phezulu kancane, phansi ngamandla.

Iphepha Lokuzilolonga 25