Uhlamvu n

Isibonelo sokuzilolonga uhlamvu lwethu n sivela kufonti egadindiweyo, njalo nxa usikhangela, ungangitshela khathesi okungalunganga kuso. Yikho kuhle ukuthi ufunde ukuba lamehlo abona izinto ezinjengalezi. Njengoba ubona, umdwebo okhuphukayo kawuqondanga. Nxa wena udweba umdwebo wakho okhuphukayo, uzawenza uqonde.

Ngakho: phezulu kancane, besesigobisa, sehle siqondile, kungathi sibhala uhlamvu i. Besesibuyela phezulu, njalo singakafiki phezulu, siya phambili, kungathi senza ingxenye ephezulu yohlamvu c. Siyagobisa siye phansi, sehle, senze uhlamvu i olunye njalo. Siyehla, njalo ngaphansi senza umdwebo omncane ophangisayo oya phambili. Qiniseka ukuthi imidwebo le emibili eyehlayo iyahambisana, ukuthi iqondene. Ungakuhlola lokho, kunjalo, ngerula yakho, udwebe imigqa edabula kuyo ukuze ubone ukuthi iyaqondana sibili. Lolu-ke luhlamvu n.

Uhlamvu lolu kalunzima. Phezulu kancane, phansi ngamandla, phezulu kancane, besesicindezela ngamandla nxa sigobisela phansi siya emdwebeni wesibili, ngakho ingxenye ehlanganisa imidwebo le emibili icindezelwa kancane kulezinye. Ngakho: phezulu kancane, phansi ngamandla, phezulu kancane, phansi ngamandla, phezulu kancane.

Iphepha Lokuzilolonga 27