Ilembo u

Ilembo ilikonkapo ilyo tulelemba ni ilembo u. Kabili ili lilatendeka cimo cine nga filya twingalemba ilembo i. Kanshi: nina panono, ika ne maka. Lyena, ilyo twapalama sana sana ku mufolo wa panshi, tulapeta, kabili tutinta ipeni bwangu panono ukuya mu mulu, twalukila limo, kabili tunina ukwalungama. Lyena twika na kabili pa mufolo umo wine, ukusendama kumo kwine, ukupalama ukufika panshi panshi, e lyo tutinta ipeni bwangu panono ukufumapo. Kabili e fyo tulemba ilembo u.

Nomba, nga wabika ututoni pa fipande ifi fyonse fibili, ninshi wakwata amalembo i yabili. E ico tubikila akatoni pa malembo i, pantu cilatwafwa ukwishiba ubupusano pa malembo u na malembo i. Kabili ilembo u lyalipalana sana ne lembo y. Ilembo y ni ilembo u fye ilyakwata umucila.

Kanshi: nina panono, ika ne maka, lyena tunina panono, e lyo twika ne maka pa mufolo umo wine. Ifi fipande fibili filingile ukulingana ukusendama no butali. Lemba imilongo imo imo iya aya malembo.

Ipepala lya kubombelapo 14