Mufundu u

Mufundu udi ulonda utudi netufunde ke mufundu u. Udi utuadija anu bu tuvua tuya kufunda mufundu i. Nunku: banda bitekete, pueka bikole. Pashishe, patudi pabuipi menemene ne mulongo wa kuinshi, tudi tujengulula, tudi tukoka kakoka kakese ka lukasa kulu, lukasa lukasa, ne tudi tubanda mululame. Pashishe tudi tupueka kabidi pa mulongo umue awu, ne kuinama kumue, too ne pabuipi ne kuinshi menemene, pashishe tudi tukoka kakoka kakese ka lukasa. Nunku ke mutudi tupeta mufundu wetu u.

Katataka, biwateka tuntu tukese ku mitu ya makoka abidi aa, neupete mifundu i ibidi. Ke bualu kayi tudi tuteka kantu kakese ku mutu kua mufundu i, bualu budi butuambuluisha bua kumanya dishilangana pankatshi pa mifundu yetu u ne mifundu yetu i. Ne mufundu u udi ufuanangana bikole ne mufundu y. Mufundu y udi anu mufundu u udi ne mukila.

Nunku: banda bitekete, pueka bikole, pashishe tudi tubanda bitekete, ne pashishe tudi tupueka bikole pa dikoka dimue adi. Makoka abidi aa adi ne bua kuikala ne kuinama kumue ne bule bumue. Funda ndambu wa milongo ya mifundu eyi.

Dibeji dia kudienzeja 14