Mifundu ilamakane

Katataka netudienzeje kufunda mifundu ilamakane. Udi mua kuenza kabidi miaku yebe nkayebe anyi masangisha a mifundu ebe nkayebe, kadi nansha nanku nenkupe makese: iju, yuj, jyi, tuy, ijty, uijt, ne bikuabo. Enza ndambu wa masangisha a mifundu. Netukushile milongo idi kayiyi ne mifundu bua kuenza nunku.

Kabidi, pawajika, angata tshiamu tshiebe tshia kukoka milongo milulame, ne tangila bimpe ne kuinama kuebe konso kudi kumue. Tangila kabidi bule bua mifundu yebe: ne yonso idi ilenga mulongo, ne kayena ipueka kuinshi kua mulongo to. Biwapueka kuinshi kua mulongo, teka tshimanyinu. Longolola mudimu webe ne tshifundilu tshikese tshikunze, anyi ne tshintu tshikuabo.

Koka kabidi milongo mile idi ipita ku makoka ebe aimane tente, bua disu diebe dimone ne makoka ebe onso aimane tente adi alonda mushindu umue. Tangila bimpe ne mifundu yebe idi miinamine kumpala, kayena miinamine ku nyima to, ne ne udi ulama kuinama kumue misangu yonso. Banda bitekete, pueka bikole, banda bitekete, pueka bikole, banda bitekete, pueka bikole.

Dibeji dia kudienzeja 15

Dibeji dia kudienzeja 16

Dibeji dia kudienzeja 17