Ileetera sinikhala vamosa

Vano nookhala ooreheryeya wiira nilepe ileetera sinikhala vamosa. Nto etthu ninrowa ahu opaka ti olepa iliinya piili sa ij, nto iji, nto itj, nto jit, nto tij, nto iji, nto titj, aahiiso tit paahi (nave, ni Enkelesi, tit ti nnuni mwaamukhaani). Nto ninrowa olepa ijij ni jijji ni jti, ni ileetera ikina sinikhala vamosa onrowa aa wuupuwela. Ileetera tthaaru aahiiso ixexe khula ekwaha, nave olepe iliinya piili aahiiso ovikana sa khula ileetera sinikhala vamosa.

Epaphelo ya wiilimaleliha 10

Epaphelo ya wiilimaleliha 11

Epaphelo ya wiilimaleliha 12

Otokosa

Nuumala olepa itthu iyo sootheene, onaphwanela okuxa erekuwa yaa ni elapisi yaa, nto otokose, nto eyo enitaphulela ela. Lepa iliinya sinivira eriyari ya ileetera saa, soolapuwa ovikana ileetera, nto otokose wiira sirina nipuro noolikanana eriyari aya, ni oramma woolikanana, ni nipuro nlo nimosaru eriyari aya. Pooti onrowa woona wiira khahiyo siiso. Nto onaphwanela wiilokiha weyo mwaneene, ovikaniha, ni opaka tho, tho, mpakha owerya opaka saana.

Khahiyo saana ohimya: "Aa, kilempe moohiloka, nto," nto ohiya. Nnaari, nnaari, nnaari. Ohaana otthikela olepa tho, vapaphelo ehinitthuneya aahiiso etthu ekina yootheene. Nave ti woonaneya wiira, vaavo onipaka aa eyo vanceene, onrowa osuwela opaka saana vanceene. Tivonto okhalane ekaneta ni ipaphelo sihinitthuneya khula nipuro onrowa aa, nave wiilimalelihe olepa waa vava ni vale.

Eleetera j enaphwanela okhala yookololowa. Nto ennikhuruwa vathi ntoko ekalawa enitthimaka vathi va maasi, mookololowa, nto vathi ennipaka ekottoopa yaamukhaanixa, nto ennivenya osulu ntoko eliinya enitthikela. Nto eliinya yoophitaanya ti yookololowa. Kherina ikottoopa. Ennirowa saana mookololowa, osulu wooveya ni eliinya yookololowa mpakha ophiya eleetera enittharela, nto vathi ni ikuru. Wuupuwele: osulu wooveya, vathi ni ikuru. Orumeele ikuru saamukhaani vaavo onirowa aa osulu, orumeele ikuru sinceene vaavo onirowa aa vathi. Nave eyo enrowa opaka olepa waa okhale wooreera.