Uhlamvu g

Uhlamvu lwethu olulandelayo nguhlamvu g. Lwenziwa njengalokho esenza ngakho uhlamvu a kumbe uhlamvu c. Empeleni luhlamvu a oluhlanganiswe lohlamvu j, kumbe ungathi luhlamvu c oluhlanganiswe lohlamvu j; kuyafana nje.

Ngakho siqala ngendlela efanayo impela lalapho esaqala ngayo nxa sasisenza uhlamvu a. Sithi phezulu kancane, sigobise njengalokho esagobisa ngakho kuhlamvu c. Emva kwalokho sibuyela phezu komdwebo wona lowo senze isimo sohlamvu c, njalo siqhubeke siye phezulu, sikhuphule umugqa wethu uze ufike emugqeni ongaphezulu, kungathi senza uhlamvu a. Emva kwalokho siyehla ngomdwebo owehlayo. Nxa besingama emugqeni, besizakuba lohlamvu a. Kodwa siqhubeka sehla siqondile, njengomkhumbi ohamba ngaphansi kwamanzi utshonela phansi olwandle. Emva kwalokho siyagobisa kuhle, njalo senze umdwebo omncane ophangisayo siye phezulu kancane, sinqamule umugqa khona nje phansi kohlamvu a. Yikho lokho okusinika uhlamvu lwethu g.

Iphepha Lokuzilolonga 23