Isihlanganisi

Khathesi njengoba sesidwebe imigqa etshekileyo eyaneleyo, njalo usuthokoza ukuthi imigqa yakho yonke ikude ngokulinganayo njalo yonke itshekela phambili ngokufanayo, njalo konke kukhangeleka kuhle, sesilungele into elandelayo. Kayisilo uhlamvu.

Nxa sibhala ngokuhlanganisiweyo, kumele sifunde ukuthi izinhlamvu zihlanganiswa njani. Umugqa lo otshekileyo ohlanganisayo uthiwa yisihlanganisi.

Njalo kulenye into okumele sifunde ukuyenza, enzima impela, yikuntshintsha amandla esicindezela ngawo ephepheni. Ngoba nxa sibhala ngokuhlanganisiweyo, siyantshintsha ukucindezela komdwebo wepeni lethu. Njalo sithi phezulu kancane, phansi ngamandla. Khumbula lokho: phezulu kancane, phansi ngamandla. Nxa sikhuphuka, kasicindezeli ngamandla. Nxa sisehla, siyacindezela ngamandla. Lokho kutsho ukuthi imidwebo eyehlayo iqine kakhulu kulemidwebo ekhuphukayo ecindezelwe kancane, ngoba imidwebo ekhuphukayo ngokuvamileyo kayisiyo ingxenye yesimo sohlamvu, kodwa iyizihlanganisi. Iqakathekile, kodwa kasifuni ukuthi iqine kakhulu.

Khathesi, esifundweni esilandelayo, sizakwenza into enzima impela. Njalo nxa singayazi kuhle, konke okulandela lokhu kuzakuba lula kakhulu.

Ngakho uyawubona umfanekiso. Kulomdwebo okhuphukayo, obomvu, lomdwebo owehlayo, ophuzi. Umdwebo owehlayo lowo usuwuzilolonge okwesikhathi eside. Kodwa esizakwenza yikuwengezela isihlanganisi.

Khathesi, uyakhangela lokhu uthi, oh, lokhu kulula kakhulu. Kodwa hatshi. Ngoba okuzakwenzakala yikuthi ama-engeli akho, obucabanga ukuthi usuwazi kuhle ngaphambili njalo obuwenze alingana kuhle, azavele angabe esalingana.

Ngakho nansi into okumele uyenze. Kumele uwukope: phezulu kancane, phansi ngamandla. Ubusutshiya isikhala esincane, isikhala nje esincane phakathi kwayo, uqale njalo: phezulu kancane, phansi ngamandla. Ubusuhlola ngerula yakho ukuthi imigqa emibili emi mpo, izinhlamvu zakho i, imigqa yakho etshekileyo, itshekele ngokufanayo. Ubusukwenza omunye: phezulu kancane, phansi ngamandla. Ubusuhlola izikhala.

Khathesi, okungenzakala yikuthi uthole ukuthi umdwebo wakho okhuphukayo lowehlayo, uhlamvu lwakho i, uqala ukugoba. Kasikufuni lokho. Sifuna ukuwugcina uqondile. Ungathola ukuthi uqala ukuba mfitshane, mfitshane, mfitshane, njalo kawufiki phezulu ukuthinta umugqa ongaphezulu. Kasikufuni lokho. Kumele ugcine konke kulobude obulungileyo, ku-engeli elungileyo, njalo kukude ngokulungileyo omunye komunye. Konke kube kuhle ngezikhala ezilinganayo, kancane nxa ukhuphuka, njalo ucindezele ngamandla nxa usehla.

Njalo njengoba usukwazi kuhle, uzaqala ukuthola ukuthi ulesigqi. Phezulu kancane, phansi ngamandla. Phezulu kancane, phansi ngamandla. Tsho lokho ngelizwi eliphezulu ekuqaleni nxa usenza lokhu.

Iphepha Lokuzilolonga 4